امریکا شامی پناہ گزینوں کی واپسی میں رکاوٹ بن گیا

 مغربی ممالک پناہ گزینوں کو سیاسی اہداف کیلئے استعمال کر رہے ہیں،بشار الاسد
دمشق (نیوز ڈیسک) شام کے صدر بشار اسد نے کہا ہے کہ امریکا اور بعض مغربی ممالک شامی پناہ گزینوں کی وطن واپسی میں رکاوٹ ڈال رہے ہیں ، دمشق میں شامی پناہ گزینوں کی وطن واپسی کے موضوع پر منعقدہ بین الاقوامی کانفرنس میں بشار الاسد نے کہا کہ بعض مغربی ممالک پناہ گزینوں کو اپنے سیاسی اہداف کے لئے استعمال کر رہے ہیں ، شام کی حکومت تمام شامی پناہ گزینوں کی وطن واپسی کی کوشش کر رہی ہے لیکن اس راہ میں بہت سی رکاوٹیں موجود ہیں ،انہوں نے شامی پناہ گزینوں کی میزبانی کرنے والے ممالک اور اسی طرح شامی پناہ گزینوں کی وطن واپسی کے موضوع پر دمشق میں بین الاقوامی کانفرنس کے انعقاد میں ایران اور روس کے تعاون کا شکریہ ادا کیا