امارات کو ایف 35جہاز کی فروخت کامعاملہ،امریکی سینیٹ مخالف

سینیٹ میں بل پیش ، اسرائیل کی فوجی برتری برقرار رکھنے کی شرط
واشنگٹن (نیوز ڈیسک) امریکی سینیٹ کے اراکین کا کہنا ہے کہ متحدہ عرب امارات کو ایف 35 جنگی طیاروں کی فروخت پر پابندی کے لئے ایک بل منظور کیا جائے گا ، سینیٹ میں ڈیموکریٹک پارٹی کے نمائندوں نے متحدہ عرب امارات کو جدید F-35 لڑاکا طیارے فروخت کرنے کے لئے ڈونلڈ ٹرمپ انتظامیہ کی کوششوں کو محدود کرنے کے لئے مسودہ بل پیش کیا ہے ، مسودے میں، یہ شرط عائد کی گئی ہے کہ امریکی حکومت، مشرق وسطی کے ممالک کو جدید ترین لڑاکا طیاروں کی فروخت سے قبل، اس بات کی تصدیق کرے کہ اس اقدام سے اسرائیلی حکومت کی فوجی برتری کو نقصان نہیں پہنچے گا یا اس کو خطرہ نہیں ہوگا