اسلامی مشترکات کو یکساں نصاب میں شامل کیا جائے، شیعہ علما ءکونسل

یکساں نصاب کے نام پر اسلامی شناخت ختم کرنے کی اجازت نہیں دی جائے گی
لاہور (پ ر )شیعہ علما ءکونسل شمالی پنجاب کے صدر علامہ سید سبطین حیدر سبزواری نے واضح کیا ہے کہ یکساں نصاب کے نام پر پاکستانی معاشرے کی اسلامی شناخت کو ختم کرنے کی اجازت نہیں دی جائے گی، حکمران رسول اکرم صلی اللہ علیہ و آلہ وسلم اور اہل بیت اطہار ؑسے عشق کو ختم کرنے کی سازش سے باز رہیں، اسلامی تہوار اور سرور کائنات اور اہل بیت ؑسے منسوب ایام مقدسہ عید میلاد النبی، محرم الحرام ، صفر ، شب معراج، شب برات اور دیگر اسلامی معاشرے کا حصہ ہیں، انہیںاردو ادب سے نکالنا خطرناک ہو گا،اسلامی تعلیمات ، اسلامی ثقافت ،بنیادی عقائد توحید ،نبوت، عدل، امامت اور قیامت آئندہ نسلوں تک پہنچانا ہماری ذمہ داری ہے۔