کراچی میں جنرل قاسم سلیمانی و دیگر شہداء کے چہلم کی تیاریاں جاری

جگہ جگہ بینرز اور پوسٹرز لگ گئے،سیاسی ومذہبی شخصیات جلسے سے خطاب کرینگی
کراچی (نیوز ڈیسک) کراچی میں جنرل قاسم سلیمانی و دیگر شہداء کے چہلم کی تیاریاں شروع کردی گئی ہیں،9فروری کو نشترپارک میں عظیم الشان اجتماع ہوگا، جس سے شیعہ وسنی تنظیموں کے رہنما،نمائندے،سیاسی شخصیات خطاب کریں گی،اجتماع کے حوالے سے شہر میں جگہ جگہ بینرز اور پوسٹرز لگ گئے ہیں جبکہ نشترپارک میں اسٹیج کی تیاری کے بھی اقدامات کئے جارہے ہیں، مجلس وحدت مسلمین پاکستان کے مرکزی ڈپٹی سیکریٹری جنرل علامہ سید احمد اقبال رضوی نے دوسری ملی تنظیموں کے نمائندوں کے ساتھ مشترکہ نیوز کانفرنس میں کہا کہ دنیا بھر کے باشعور عوام امریکی جارحیت اور دہشت گردی کے خلاف اٹھ کھڑے ہوئے ہیں،نشتر پارک کا جلسہ ا مریکا سمیت تمام عالمی سامراجی طاقتوں کی موت ثابت ہوگا۔