دہلی میں مسلمانوں پر تشدد پوری طرح عیاں ہوگیا،ترکی

بھارت شہریوں کو سیکیورٹی فراہم کرنے کیلئے حساسیت کا مظاہرہ کرے
انقرہ(نیوز ڈیسک)ترک وزارت خارجہ کے ترجمان حامی آکسوی نے ہندوستان میں مسلمانوں کے خلاف حالیہ تشدد کے بارے میں ترکی کے صدر کے بیان پر ہندوستانی وزارت خارجہ کے ترجمان کی تنقید پر سخت ردعمل ظاہر کیا ہے،انہوں نے کہا کہ اردوان پر اپنے بھارتی ہم منصب کی تنقید کو احساس ذمہ داری سے عاری ڈینگ اور مبالغہ آرائی سے تعبیر کیا گیا اور کہا کہ یہ بیانات حقائق کے انکار کی نشاندہی کرتے ہیں، ترک وزارت خارجہ کے ترجمان نے کہا کہ دہلی میں مسلمانوں کے خلاف ہونے والا تشدد پوری طرح عیاں ہوگیا، ہمیں توقع ہے کہ ہندوستانی حکومت مسلمانوں کے خلاف تشدد کو روکنے کے لئے لازمی تدابیر اپناتے ہوئے تمام شہریوں کو سیکیورٹی فراہم کرنے کے لئے ضروری حساسیت کا مظاہرہ کرے گی۔