بحرین میں سیاسی قیدیوں کی رہائی کیلئے احتجاج جاری

حقوق کی جدوجہد کیلئے جو قیمت بھی چکانی پڑے ہم تیار ہیں ، آیت اللہ شیخ عیسی قاسم
 مناما(نیوز ڈیسک) بحرینی شہریوں نے سیاسی قیدیوں کی رہائی کے لئے ملک کے مختلف علاقوں میں مظاہرے کئے اور مطالبہ کیا کہ جیلوں میں کورونا کے مریضوں کی تعداد میں اضافے کے پیش نظر سیاسی قیدیوں کو فورا رہا کیا جائے، اسلامی تحریک کے سربراہ آیت اللہ شیخ عیسی قاسم نے کہا ہے کہ سیاسی اور شہری حقوق کے اعادے تک ملت بحرین کی تحریک جاری رہے گی چاہے اس کے لئے ملت بحرین کو جو قیمت بھی چکانی پڑے ہم اس کے لئے تیار ہیں ، بحرین کی ابتر صورتحال نے ملک کو نابودی کے دھانے پر پہنچا دیا ہے، اور اس کا واحد راہ حل یہ ہے کہ حکومت اپنی غلط پالیسیوں کو ترک کردے ، لوگوں کو ایسے آثار دکھائی نہیں دے رہے کہ جس کی بناپر وہ اپنی تحریک سے دستبرار ہوجائیں، جبکہ اس کے برعکس وہ حکومت کی جانب سے آمریت اور انتہائی سخت اور ظالمانہ اقدامات کا مشاہدہ کررہے ہیں کہ جس کا واحد مقصد عوام کو دیوار سے لگانا ہے