امریکی حکمرانوں کے پاس انسانیت موجود نہیں،ایرانی صدر

 موذی وبا کے سلسلے میں پوری دنیا نے اپنی ماہیت کو سب پر واضح کر دیا
تہران (نیوز ڈیسک) اسلامی جمہوریہ ایران کے صدر ڈاکٹر حسن روحانی نے کورونا کے دور میں بھی ایرانی قوم کے خلاف امریکاکی ظالمانہ پابندیوں کا ذکر کرتے ہوئے کہا ہے کہ وائٹ ہاوس کے موجودہ حکمرانوں کے پاس انسانیت نام کی کوئی چیز نہیں، کورونا موذی وبا کے سلسلے میں پوری دنیا نے اپنی ماہیت کو سب پر واضح کر دیا ہے ، وائرس کے دور میں بھی نہ صرف یہ کہ دواوں کی پابندی ختم نہیں کی گئی بلکہ دواوں اور کورونا ویکسین تیار کرنے کے لئے5 ارب ڈالر کے قرضے سے متعلق ایران کی درخواست کی بھی امریکا نے مخالف کی اور اس کو نامنظور کروا دیا گیا ، ایران کی رقم بعض دوست ملکوں کے بینکوں میں بھی موجود ہے مگر انھوں نے بھی امریکا کی مخالفت کی بنا پر ایران کی یہ رقم دینے سے گریز کیا اور دنیا کی پوری تاریخ میں ایسے جرم کی کوئی مثال نہیں ملتی۔ صدر مملکت نے کہا کہ ان تمام مسائل اور سختیوں کے باوجود ایران نے بہترین طریقے سے کورونا وبا کا مقابلہ کیا ہے