امریکاعالمی قوانین اور فیصلوں کو پامال کررہا ہے ،شام

شام میں امریکی اور ترکی کی فوجی موجودگی قبضہ کرنے کی پالیسی ہے
نیویارک (نیو زڈیسک) شام کے وزیر خارجہ ولید المعلم نے ایران کے خلاف امریکا کے موقف کی مذمت کرتے ہوئے تہران کے خلاف واشنگٹن کے دشمنانہ اقدامات کے خاتمے کا مطالبہ کیا ہے، ولید المعلم نے اقوام متحدہ کی جنرل اسمبلی کے 75 ویں ورچوئل اجلاس سے خطاب میں ایک بار پھر علاقے میں بدامنی اور جوہری معاہدے کی خلاف ورزی کرنے کی امریکی پالیسی کے خلاف ایران کے موقف کی حمایت کی اور کہا کہ واشنگٹن، عالمی قوانین کی خلاف ورزی اور عالمی فیصلوں کا احترام نہیں کر رہا ہے ولید المعلم نے شام میں امریکی اور ترکی کی فوجی موجودگی کو قبضہ کرنے کی پالیسی قرار دیااور کہاکہ اسرائیل عالمی اداروں کی خاموشی سے فائدہ اٹھا کر مقبوضہ جولان میں شامی عوام کے حقوق کی خلاف ورزی کر رہا ہے اور شام میں واضح اور آشکارا طور پر دہشتگردوں کی حمایت کر رہا ہے