پارا چنار میں لاپتہ افراد کیلئے احتجاجی دھرنا تیسرے ہفتے میں داخل

ملتان میں لاپتہ افراد کیلئے تین دن تک علامتی دھرنا دیا گیا
ملتان /پارا چنار (نیوز ڈیسک) پارا چنار میں بھی لاپتہ افراد کی بازیابی کیلئے دھرنا تیسرے ہفتے میں داخل ہوگیا، مرکزی پیش امام پاراچنار حجة الاسلام و المسلمین علامہ فدا حسین مظاہری نے احتجاجی کیمپ کا دورہ کیا اور شرکا سے اظہار یکجہتی کیا، علامہ فدا حسین مظاہری نے کیمپ میں موجود نوجوانوں کی حوصلہ افزائی کی اور مطالبہ کیا کہ جبری لاپتہ افراد کو رہا ہونا چاہئے، اگر وہ کسی جرم میں ملوث بھی ہیں تو ملک میں قانون اور عدالتی نظام موجود ہے،ادھر لاپتہ عزاداروں کی بازیابی کیلئے ملتان کے چوک کمہاراں والا پر جوائنٹ ایکشن کمیٹی فار شیعہ مسنگ پرسنز کی جانب سے دیا گیا احتجاجی دھرنا تیسرے روز اختتام پذیر ہوگیا، احتجاجی دھرنے میں مردوں کے ساتھ ساتھ خواتین اور بچوں کی بڑی تعداد نے شرکت کی ، دھرنے کی قیادت علامہ اقتدار حسین نقوی، علامہ قاضی نادر حسین علوی، مولانا وسیم معصومی، ثقلین ظفر نے کی۔