وفاق المدارس کی جانب سے امریکی دہشت گردی کی مذمت اور احتجاجی ریلیاں

شہید قاسم سلیمانی نے 8 ممالک میں مظلوموں کی مدد کی، علامہ حافظ ریاض نجفی
لاہور (پ ر) وفاق المدارس الشیعہ پاکستان سے منسلک مدارس دینیہ میں عراق میں امریکی دہشت گردی کے خلاف مظلوموں کے ساتھ اظہار یکجہتی کیا گیا، اس حوالے سے خطبات جمعہ میں عراق میں امریکی جارحیت کی مذمت کی گئی، شہدا کیلئے قرآن خوانی اور مجالس ترحیم کا انعقاد کیا گیا،وفاق المدارس الشیعہ کے صدر علامہ حافظ سید ریاض حسین نجفی نے علی مسجدجامعتہ المنتظر میں خطبہ جمعہ دیتے ہوئے کہا کہ امریکا فرعون کا کردار ادا کرر ہا ہے جبکہ فقط ایک ہی حکومت ایران، وقت کے فرعون سے ٹکر لے رہی ہے،انہوں نے کہا کہ جنرل سْلیمانی 8 ممالک میں اسلامی تحریکوں اور مظلوموں کی مدد کیلئے کام کر رہے تھے، نماز جمعہ کے بعد جامعہ المنتظرسے علامہ سید نیاز حسین نقوی کی قیادت میں امریکی دہشتگردی کے خلاف احتجاجی ریلی نکالی گئی جس میں علماء،طلباء کے علاوہ نمازیوں کی کثیر تعداد، خواتین اور دینی مدارس کی طالبات اور شیعہ علماء کونسل کے کارکنان نے بھی شرکت کی۔ شرکاء امریکی حکومت کے خلاف نعرہ بازی کرتے رہے۔ریلی سے خطاب میں علامہ محمد افضل حیدری نے سانحہ کو حد درجہ سفاکیت قرار دیتے ہوئے کہا کہ جنرل قاسم سْلیمانی ایران، سعودی تعلقات کی بہتری کیلئے عراق گئے تھے ۔