وائرس کے خوف سے فضائی آلودگی میں نمایاں کمی

فضا میں نائٹروجن ڈائی آکسائیڈ گیس کی مقدارانتہائی کم ہوگئی
کراچی (نیوز ڈیسک) دنیا بھر میں کورونا وائرس کے خوف اور لاک ڈاؤن اور کاروبار اور صنعتوں کی بندش کی وجہ سے مختلف ملکوں میں فضائی، صوتی اور دیگر انواع کی ماحولیاتی آلودگی میں نمایاں کمی ریکارڈ کی گئی ہے، امریکا میں سڑکوں اور ہائی ویز پر ٹریفک ڈرامائی انداز سے کم ہوگیا ہے جبکہ فضائی سفر پر بندش کے باعث طیاروں کے ذریعے پھیلنے والی آلودگی بھی تقریباً ختم ہو چکی ہے، لوگوں کی ایک بڑی تعداد گھروں میں رہنے کو ترجیح دے رہی ہے، وائرس پھیلنے کی وجہ سے سڑکوں سے ٹریفک غائب ہو چکا ہے جبکہ ان شہروں اوران کے جن علاقوں میں ٹریفک جام ہونا معمول کی بات سمجھی جاتی تھی وہ علاقے اب تقریباً ویران نظر آ رہے ہیں، یورپی اسپیس ایجنسی کی جاری کردہ تصاویر کے مطابق، فضا میں نائٹروجن ڈائی آکسائیڈ گیس کی مقدارانتہائی کم ہوگئی ہے۔