نائیجیریا: دہشتگردوں کافوجی قافلے پر حملہ، 70 اہلکار ہلاک

قافلے پر راکٹ لانچر اور بھاری اسلحہ کے ذریعہ حملہ کیا گیا،متعدد اہلکاراغوا؎
ابوجا (نیوز ڈیسک) نائیجیریا میں دہشتگردوں نے فوجی قافلے پر حملے کر کے 70 اہلکاروں کو ہلاک کر دیا جبکہ متعدد کو اغوا کر کے ساتھ لے گئے، فوجیوں کا یہ قافلہ برونو سے گورگی جا رہا تھا، قافلے پر راکٹ لانچر اور بھاری اسلحہ کے ذریعہ حملہ کیا گیا،ایک فوجی افسر کے مطابق یہ بہت بڑا نقصان ہے، 70 فوجی ہلاک ہونے کی تصدیق کرتا ہو ں،دوسرے فوجی افسر کا کہنا ہے کہ اس حملے کے دوران متعدد فوجی زخمی ہوئے ہیں جبکہ کچھ فوجیوں کو دہشتگردوں نے اغوا کر لیا ہے۔