علامہ سید محمدعون نقوی انتقال کرگئے

وادی حسین ؑمیں تدفین،وہ کورونا وائرس میں مبتلا تھے
 کراچی (نیوز ڈیسک) ادارہ تبلیغ وتعلیمات اسلامی کے سربراہ علامہ سید محمدعون نقوی کو وادی حسین ؑقبرستان میں سپرد لحد کردیا گیا، ان کی نماز جنازہ مسجد وامام بارگاہ شاہ کربلارضویہ سوسائٹی ناظم آباد میں ادا کی گئی جس میں شہر بھر سے علمائے کرام، سیاسی،سماجی ومذہبی شخصیات اور مختلف شعبہ ہائے زندگی سے تعلق رکھنے والے افراد شریک ہوئے، علامہ سید محمد عون نقوی کورونا وائرس میں مبتلا تھے اور کراچی کے نجی اسپتال میں داعی اجل کو لبیک کہہ گئے ، علامہ محمد عون نقوی مرحوم اتحاد بین المسلمین کے داعی اور انتہائی ملنسار اور شفیق انسان تھے، وہ چیئرمین حج ،عمرہ وزیارات کمیٹی کے عہدے پر بھی فائز رہے جبکہ جعفریہ الائنس پاکستان کی مرکزی شوریٰ کے رکن کی حیثیت سے بھی فرائض انجام دیئے ، مرحوم کو رونق منبرو محفل کہا جائے تو بےجا نہ ہوگا