صہیونی حکومت نے غرب الاردن کو جزیروں میں بانٹ دیا

مقصد ان علاقوں پر مکمل کنٹرول حاصل کرنا ہے، فلسطینی وزارت خارجہ
رام اللہ ( نیوز ڈیسک) صہیونی حکومت نے غرب الاردن کو چھوٹے چھوٹے جزیروں میں بانٹ دیا، اس اقدام کا مقصد ان علاقوں پر مکمل کنٹرول حاصل کرنا ہے، یہ بات فلسطینی وزارت خارجہ نے ایک بیان میں کہی، بیان کے مطابق صہیونی وزیراعظم کی جانب سے غرب اردن میں صہیونی بستیوں کی تعمیر میں توسیع جیسے اشتعال انگیز اقدامات روز مرہ کا معمول بن گئے ہیں، صہیونی حکومت نے غرب اردن کو تھوڑے تھوڑے فاصلے کے ساتھ جزیروں میں تبدیل کردیا ہے، بیان کے مطابق صہیونی حکومت کے اس اقدام کا مقصد ان علاقوں پر مکمل طور سے کنٹرول حاصل کرنا ہے،اس قسم کے اقدامات قدس شریف کے دارالحکومت کے ساتھ فلسطینی ریاست کی تشکیل کی راہ میںرکاوٹ ڈالنا شمار ہوتے ہیں۔