شنگھائی تعاون تنظیم کا مقامی کرنسی میں تجارت کا فیصلہ

رْکن ممالک کی کرنسیاں بھی مضبوط ہوں گی، تجارت کو فروغ ملے گا
اسلام آباد(نیوز ڈیسک) چین، روس اور پاکستان سمیت شنگھائی تعاون تنظیم(ایس ای او) کے8رْکن ممالک نے ڈالر اورپونڈ کی بجائے مقامی کرنسیوں میں تجارت اور سرمایہ کاری اور بونڈ جاری کرنے کا فیصلہ کرلیا،اس کی منظوری ماسکو میں شنگھائی تعاون تنظیم کے وزرائے خزانہ کے اجلاس میں دی جائے گی، روس نے بطور چیئرمین شنگھائی تعاون تنظیم رْکن ممالک سے مقامی کرنسیوں میں تجارت و سرمایہ کاری کے لیے تجاویز طلب کرلی ہیں، ان تجاویز کا تفصیلی جائزہ لینے کے بعد قومی کرنسیوں کی میوچل سیٹلمنٹ کا نظام متعارف کروایا جائے گا، اس سے رْکن ممالک کی قومی کرنسیاں بھی مضبوط ہوں گی اورباہمی تجارت اور سرمایہ کاری کو بھی فروغ ملے گا۔