شامی فوج نے ادلب میں مزید دو اہم علاقے دہشتگردوں سے چھڑالئے

تلمنس اور معرۃ النعمان سے دہشت گرد پسپا، بھاری جانی اور مالی نقصان
دمشق(نیوز ڈیسک) شامی فوج نے صوبہ ادلب کے ایک اور قصبے تلمنس کو دہشت گرد گروہ نصرہ فرنٹ کے قبضے سے آزاد کرا لیا،اس سے پہلے شامی فوج نے معرۃ النعمان نامی علاقے کو بھی آزاد کرا لیا تھا، معرۃ النعمان شام کے اقتصادی مرکز حلب اور دارالحکومت دمشق کو ملانے والی حیاتی شاہراہ پر واقع ہے،اس دوران ہونے والی لڑائی میں دہشت گردوں کو بھاری جانی اور مالی نقصان اٹھانا پڑا، ادھر شامی فوج نے صوبہ الحسکہ میں امریکی فوج کی گشتی ٹیم کا راستہ روک لیا اور ان کو پیچھے ہٹنے پر مجبور کر دیا، امریکی فوجیوں نے اصرار کیا کہ اس چیک پوسٹ سے روسی پرچم کو ہٹا لیا جائے لیکن شامی فوج نے ان کی ایک نہ سنی۔