بے نقاب خواتین کو کوڑے لگائے جائیں،سوڈان میں مہم

عوام میں انتہاپسندوں کیخلاف غصہ، خواتین نے جوابی مہم شروع کردی
خرطوم (نیوز ڈیسک)سوڈان میں ایک گمنام انتہا پسند گروپ نے سوشل میڈیا پر چہرے کا نقاب نہ کرنے والی خواتین کو کوڑے مارنے کی حمایت پرمبنی مہم شروع کردی، جس پر عوامی حلقوں کی طرف سے سخت غم وغصے کا اظہار کیا جا رہا ہے،سوڈان میں سول سوسائٹی کی کوششوں سے مذہبی انتہا پسندانہ سوچ کو ختم کرنے کے لئے اصلاحات کی گئی ہیں مگر اس کے باوجود سابق فرسودہ نظام اور عمر البشیر کی باقیات سوشل میڈیا کے پلیٹ فارمز کو اپنے مقاصد کیلئے استعمال کر رہے ہیں ، خواتین نے بھی جوابی مہمات شروع کی ہیں جن میں ‘شیلی حجر’ نامی مہم کافی مقبول ہوئی ہے،سوڈان کی معروف گلو کارہ ھدیٰ عربی نے کوڑے مارنے کی مہم چلانے والوں کو دھمکی دی کہ اس مہم کا مقابلہ کرنے والے مرد بھی موجود ہیں، انہوں نے مزاحمتی کمیٹیوں کےارکان کو خبردار کیا کہ وہ خواتین کو کسی قسم کی ایذا پہنچانے سے باز رہیں