انجنئیر سید حسین موسوی اصغریہ علم و عمل تحریک پاکستان کے چیئرمین منتخب

 سید خادم رضوی مرکزی صدر اصغریہ تحریک اور حسن علی سجادی اے ایس او کے مرکزی صدر منتخب
حیدرآباد (نیوز ڈیسک) اصغریہ کے سالانہ انتخابات میں مفکر اسلام انجنئیر سید حسین موسوی اصغریہ علم و عمل تحریک پاکستان کے چیئرمین ، سید خادم حسین رضوی مرکزی صدر اصغریہ تحریک اور حسن علی سجادی اصغریہ اسٹوڈنٹس آرگنائیزیشن پاکستان کے مرکزی صدر منتخب ہوگئے ہیں،اصغریہ اسٹوڈنٹس کا 50 واں سالانہ مرکزی کربلا احیا دین محمدی کنونشن ، اور اصغریہ تحریک کا پانچواں مرکزی فکر اصلاح کنونشن ضلع دادو میں منعقد ہوئے ۔جس میںانتخابات کی نتیجے کے مطابق اصغریہ علم و عمل تحریک پاکستان کے چئیرمین مفکر اسلام انجنئیر سید حسین موسوی دوسری بار منتخب ہوئے، جب کہ اصغریہ تحریک کے مرکزی صدر سید خادم حسین رضوی اور اصغریہ اسٹوڈنٹس آرگنائزیشن پاکستان کے مرکزی صدر حسن علی سجادی منتخب ہوئے، اس موقع پر منتخب ہونے والے مرکزی صدور کا والہانہ استقبال کیا گیا، جب کہ منتخب رہنماﺅں سے حجتہ السلام والمسلمین علامہ محمد باقر نجفی نے حلف لیا ۔