امریکی پارلیمنٹ پر حملہ ٹرمپ کے جرائم کا چھوٹا سا نتیجہ ہے(سید حسن نصراللہ)

 ٹرمپ نے امریکیوں کو بھی اس تشدد کا مزہ چکھا دیا جو وہ دوران صدارت بیرون ملک انجام دیتے رہے ہیں،اس بار یہی سب کچھ امریکا میں کیا اور لوگوں کو مروادیا
 امریکی جمہوریت فریب ہے، اگر ٹرمپ جیسا صدر ہو تو یہ خطرناک بھی ہوجاتی ہے، ایٹمی بٹن ٹرمپ جیسے جنونی پاگل کے ہاتھ میں ہونا دنیا کیلئے خطرناک ہے
 بیروت (نیوز ڈیسک) حزب اللہ کے سیکریٹری جنرل سید حسن نصراللہ نے امریکی جمہوریت کو فریب قرار دیتے ہوئے کہا ہے کہ واشنگٹن میں پارلیمنٹ پر حملہ ٹرمپ کی شام، عراق اوریمن میں اپنائی گئی مجرمانہ حکمت عملی کا چھوٹاسا نتیجہ ہے،ویڈیو لنک کے ذریعے قوم سے خطاب میں سید حسن نصراللہ نے کہاکہ کیپٹل ہل پر حملے نے امریکیوں کو بھی اس تشدد کا مزہ چکھا دیا جو ٹرمپ اپنی چار سالہ صدارت کے دوران بیرون ملک انجام دیتے رہے ہیں،اس بار ٹرمپ نے یہی سب کچھ امریکا کے اندر کیا اور اپنے ہی لوگوں کو مروادیا،اس سے ظاہر ہوتا ہے کہ امریکی جمہوریت ایک فریب ہے اور اگر ٹرمپ جیسا صدر ہو تو یہ خطرناک بھی ہوجاتی ہے،حسن نصراللہ نے کہا کہ ایٹمی بٹن ٹرمپ جیسے جنونی پاگل کے ہاتھ میں ہے وہ جو کچھ کررہا ہے ، خدا 20جنوری تک دنیا کو محفوظ رکھے،انہوں نے کہاکہ آج ٹرمپ کی مجرمانہ حقیقت، خود امریکی عوام کے سامنے آ گئی، کانگریس میں جو واقعات پیش آئے ہیں وہ خطرناک ہیں اور امریکا کے اتحادی اس کی شدت کو کم کرنے کی کوشش کر رہے ہیں ۔