امریکا اور روس میں ٹھن گئی،سفارتکار ملک بدر

 وقت آگیا ہے کہ امریکا اچھے رویے کا مظاہرہ کرے ،روسی وزیرخارجہ
 ماسکو(نیوز ڈیسک) امریکی پابندیوں کے جواب میں روس نے بھی امریکی سفارتکاروں کو ملک سے نکالنے اور پابندیاں عائد کرنے کا اعلان کردیا ، روس نے 10 امریکی سفارتکاروں کو ملک سے نکالنے اور 8 عہدیداروں پر پابندی سمیت امریکی این جی اوز کی ملک میں جاری سرگرمیوں پر پابندی عائد کرنے کا فیصلہ کیا ہے ،روسی وزیر خارجہ سرگئی لاروف نے ایک پریس بریفنگ میں کہا کہ وقت آگیا ہے کہ امریکا اچھے رویے کا مظاہرہ کرے اور محازآرائی کے راستے سے اجتناب کرے ورنہ ایسے فیصلے لیے جائیں سے جس سے امریکا کے لیے مشکل دور کا آغاز ہوجائے گا،اس سے پہلے امریکی صدر جوبائیڈن نے سائبر حملوں اورصدارتی انتخابات میں مداخلت کے خلاف روس پر نئی پابندیاں عائد کرنے اور اس کے سفارت کاروں کو امریکا سے بے دخل کرنے کے ایگزیکٹو آڈر پر دستخط کیے تھے