البانیہ میں چاقوبردار کا مسجد میں نمازیوں پر حملہ

5نمازی زخمی،دو کی حالت تشویشناک، ملزم کو گرفتار کرلیا گیا
تیرانا(نیوز ڈیسک) یورپی مسلم اکثریتی ملک البانیہ کے دارالحکومت تیرانا میں چاقو بردار شخص نے مسجد میں داخل ہوکر نمازیوں پر حملہ کردیا جس کے نتیجے میں 5 افراد شدید زخمی ہوگئے ، نماز ظہر کے وقت 34 سالہ چاقو بردار شخص مسجد میں داخل ہوا اور بلا اشتعال نمازیوں پر چاقو کے پہ در پہ وارکئے، پولیس نے حملہ آور کو حراست میں لے لیا ہے جس کی شناخت روڈلف نکولی کے نام سے ہوئی ہے، ملزم نے تاحال حملے کی وجہ نہیں بتائی جب کہ اب تک پولیس ملزم کے مذہب اور خاندان کے بارے میں معلومات حاصل نہیں کر پائی ہے ، زخمیوں کی عمریں 22 سے 35 سال کے درمیان ہے، دو زخمیوں کی حالت تشویشناک بتائی جا رہی ہے ، رمضان کے باعث مسجد نمازیوں سے کھچا کھچ بھری ہوئی تھی