امریکا میں بڑھتی نسل پرستی پر دنیا بھر کو تشویش

تعصب کی روک تھام کے لیے لازمی تدابیر کی جائیں،اقوام متحدہ
واشنگٹن (نیوز ڈیسک)امریکا میں بڑھتی نسل پرستی اور اس کے خلاف عوامی احتجاج کو امریکی اور غیر ملکی شخصیات نے تشویشناک قرار دیا ہے، سابق صدر باراک اوباما نے کہا کہ ملک کے رنگین فام لوگوں کے ساتھ یہ سلوک معمول بن چکا ہے، ڈیموکریٹ صدارتی امیدوار جو بائیڈن نے کہا ہے کہ، ہم اس معاملے پر خاموش نہیں رہ سکتے، اقوام متحدہ میں روس کے مندوب نے کہا کہ امریکی حکومت مظاہرین کے خلاف طاقت کا بے دریغ استعمال اور انہیں تشدد کا نشانہ بنا رہی ہے ، چینی مندوب ڑانگ ڑو نے مظاہرین کے خلاف طاقت کے استعمال پر کڑی نکتہ چینی کی ،اقوام متحدہ کی انسانی حقوق کی ہائی کمشنر نے امریکی حکام ہ سے مطالبہ کیا ہے کہ وہ افریقی نڑاد امریکی شہریوں کے خلاف تعصب کی روک تھام کے لیے لازمی تدابیر اختیار کرے۔