ڈھائی ماہ بعد لال شہباز قلندرکا مزار کھولنے کا اعلان

سینیٹائزر گیٹ لگائے جائیں گے ،زائرین کیلئے ماسک پہننا لازمی قرار
سیہون سندھ(نیوز ڈیسک) کورونا وائرس کے لاک ڈاون کے ڈھائی ماہ بعد سندھ حکومت نے حضرت لال شہباز قلندر کے مزار کو زائرین کے لئے کھولنے کا اعلان کردیا ،چیف ایڈمنسٹریٹر اوقاف منور مہیسر نے بتایا کہ درگاہ لال شہباز قلندر کو ایس او پی کے تحت کھولا جائے گا، مزار پر ایس او پی پر سختی سے عمل درآمد کرایا جائے گا، جبکہ سیکیورٹی کیلئے بھاری نفری تعینات ہوگی اس سال درگاہ پر سالانہ عرس نہیں منعقد ہوگا، حکومت نے زائرین کیلئے ماسک پہننا لازمی قرار دیا ہے اور واک تھرو سینیٹائزر گیٹ بھی لگائے جائیں گے، کورونا وائرس کے پھیلاو کے پیش نظر درگاہ لعل شہباز کو 14 مارچ کوزائرین کیلئے بند کر دیا گیا تھا۔