امریکا نے مزید فوجی الحسکہ میں فوجی اڈے پر بھیج دئے

فوجی بھیجنے کا مقصد تیل کے کنووں کے قریب اڈے کو مضبوط بنانا ہے
دمشق(نیوزڈیسک)امریکا نے ایک بار پھر بین الاقوامی قوانین کو پامال کرتے ہوئے اپنا فوجی دستہ شام کے صوبے الحسکہ بھیج دیا ،قافلے میں 25گاڑیاں، کچھ بکتر بندگاڑیاں اور لوجسٹک ہتھیار بھی شامل ہیں،مقامی ذرائع کا کہنا ہے کہ امریکیوں نے الولید گذرگاہ کے ذریعے ان ہتھیاروں کو الرمیلان علاقے میں اپنے غیر قانونی فوجی اڈے میں منتقل کیا ہے، گذشتہ ہفتے بھی50 بکتر بند گاڑیاں اور ہیلی کاپٹر صوبہ الحسکہ کے الشدادی علاقے میں بھیجے گئے تھے، امریکا الحسکہ میں واقع تیل کے کنو¿وں کے قریب فوجی ساز و سامان بھیج کر اپنے اڈے کو مضبوط اور دہشتگردوں کو دہشتگردانہ سرگرمیوں کے لئے تیار کرنا چاہتا ہے۔