Ilyas 
پارٹ 5
ذاتی تجربہ
ہمارے گھر کے صحن میں ایک بہت بڑا درخت ہے جس نے پورے صحن کو گھیر رکھا ہے۔ اور باتھ روم صحن کے اس پار ہے۔ کل رات جب میرا صحن کے دروازے سے گزر ہوا تو دیکھا میرا پانچ سالہ بیٹا صحن کے کونے میں واش روم کر رہا ہے۔
ایسےمیں ہم والدین کا کیا رد عمل ہونا چاہیے؟
منفی ارتباط:
یہ کیا کیا؟ میں نے اج ہی صحن دھویا تھا(صرف خود کو دیکھنا)
یہاں تک آئے تھے تو دو قدم اور چل کے باتھ روم میں ہی کر لیتے۔ آئندہ ایسا کیا تو پٹائی ہوگی۔
بچہ: آپ اچھی ماما نہیں ہیں۔ آئندہ بھی ایسا کروں گا۔
بغیر غصے کے ارتباط:
"احساسات کو سمجھنا”
اوہ ! یہاں کیوں کیا؟
(اس کے احساس کو نام دیں) کیا آپ کو ڈر لگتا ہے؟
ہاں
کیوں؟
کیونکہ رات میں جب ہوا سے پتے ہلتے ہیں تو مجھے لگتا ہے کوئی آرہا ہے۔
لیکن ہمارے صحن کی دیواریں اونچی ہیں کیسے کوئی آسکتا ہے۔
لیکن پھر بھی مجھے ڈر لگتا ہے۔
آپ تو ہمیشہ بتاتے تھے۔ ہم میں سے کوئی دروازے پہ کھڑا ہوتا تھا۔ آج کیوں نہیں بتایا؟
نکلنے والا تھا۔۔
اااہممممم! چلو اس دفعہ امرجنسی تھی کوئی بات نہیں۔ لیکن آئندہ جب ہلکا سا بھی واش روم محسوس ہو فورا چلے جانا، بالکل عین ٹائم کے لئے مت بچانا۔
ٹھیک ہے آئندہ وقت پہ بتاؤں گا۔
ہمارا مقصد اسے صحیح نتیجے پر پہنچانا ہے جو آرام سے گفتگو سے بھی حاصل ہوسکتا ہے۔
