عراقی وزیراعظم کی کابینہ مکمل ،پہلا ٹاسک امریکا سے مذاکرات

7وزراءمیں وزیر خارجہ اور وزیرپیٹرولیم کو بھی پارلیمنٹ سے اعتماد کا ووٹ مل گیا
بغداد (نیوز ڈیسک) عراقی پارلیمنٹ نے وزیر اعظم مصطفی الکاظمی کی کابینہ کے باقی7 وزیروں کو بھی اعتماد کا ووٹ دے دیا ، جس کے بعد وزیر اعظم کی22رکنی کابینہ مکمل ہو گئی،15 وزیروں کو سات مئی کو ہی پارلیمنٹ سے اعتماد کا ووٹ مل گیا تھا ،دوسرے مرحلے میں جن سات وزرا کو اعتماد کو ووٹ ملا ہے ان میں وزیر خارجہ فواد حسین اور پیٹرولیم کے وزیر احسان عبد الجبار بھی شامل ہیں ، تجزیہ نگار عراق میں وزیر اعظم مصطفی الکاظمی کی کابینہ کی تکمیل کو اس نقطہ نگاہ سے اہمیت دے رہے ہیں کہ عراقی حکومت 10جون سے، امریکی حکومت کے ساتھ بغداد واشنگٹن روابط کے تعین اور امریکی افواج کے انخلا کے لئے مذاکرات شروع کرنا چاہتی ہے۔