Ilyas 
آیت اللہ العظمیٰ جوادی آملی:
اگر ہم چاہتے ہیں کہ اپنے بچوں کو گھر کے اندر نیکی کا حکم دیں اور برائی سے روکیں، تو اس کا بہترین طریقہ یہ ہے کہ ہم خود نماز کو اول وقت پر ادا کریں۔ کسی پر بلا وجہ تنقید نہ کریں، بے جا باتیں نہ کریں، بے مقصد ہنسی نہ ہنسیں، اور بے وجہ گریہ بھی نہ کریں۔ یہ عام تربیت کے اصول ہیں۔ گہری اور علمی باتیں تو ویسے بھی بچوں کے ساتھ بیان نہیں کی جاتیں۔
*ہم فضول گفتگو نہ کریں اور کسی کا برا نہ چاہیں۔ ہمیشہ دوسروں کی بھلائی اور خیر خواہی چاہیں۔ اگر کوئی مسئلہ درپیش ہو تو براہ راست اسی شخص سے بات کریں اور مسئلہ حل کریں۔
ہمیں گھر کے اندر، کام کی جگہ اور معاشرے میں نیکی کا حکم دینے اور برائی سے روکنے کی ذمہ داری دی گئی ہے۔ نیکی کی تلقین کا سب سے بہترین طریقہ عملی طور پر نیکی کرنا ہے، اور برائی سے روکنے کا بہترین طریقہ خود برائی سے اجتناب کرنا ہے۔ انسان جب خود اچھا عمل کرتا ہے تو یہ خود بخود نیکی کا حکم دینا شمار ہوتا ہے۔
