کورونا وائرس : امریکی صدرٹرمپ ہوش وحواس کھوبیٹھے

چین اور ڈبلیو ایچ او سے تعلق ختم کرنے کی دھمکیاں ،خود ہی ڈاکٹر بھی بن گئے
واشنگٹن (نیوز ڈیسک)کورونا کی وبا کے باعث امریکی صدر ڈونلڈ ٹرمپ اپنے ہوش وحواس کھوبیٹھے ہیں،انہوں نے وائرس کی وبا سے نمٹنے کے حوالے سے چین پر تنقید کرتے ہوئے بیجنگ سے تعلقات ختم کرنے کی دھمکی دے دی ، انہوں نے چین کے ساتھ دو طرفہ تجارت میں امریکی خسارے کی طرف اشارہ کرتے ہوئے کہا کہ اگر آپ سارے تعلقات منقطع کر دیں تو آپ 500 ارب ڈالر بچا سکتے ہیں، ا نہوں نے عالمی ادارہ صحت کو عالمگیر وبا کورونا پر قابو پانے کے لیے بہتر لائحہ عمل اختیار نہ کرنے کی صورت میں ہمیشہ کے لیے فنڈنگ روکنے کی دھمکی دے دی ، عالمی ادارہ صحت کے سربراہ ڈاکٹر ٹیڈروس ادھانوم کے نام خط میں ٹرمپ نے لکھا کہ اگر عالمی ادارہ صحت کورونا پر قابو پانے کے لیے اگلے 30 روز میں کوئی پختہ بہتری نہیں دکھاتا تو اس کی فنڈنگ ہمیشہ کیلئے روک دی جائے گی،دوسری جانب ٹرمپ نے ماہرین کی جانب سے خطرناک قرار دینے کے باجود وائرس سے محفوظ رہنے کے لیے ملیریا کے علاج کے لیے استعمال کی جانے والی ہائیڈروکسی کلوروکوئن کا استعمال کرنا شروع کردیاہے۔