کورونا وائرس: جرمنی اور جنوبی کوریا کی کارکردگی امریکا سے بہتر

واشنگٹن (نیوز ڈیسک) : امریکی شہریوں نے کورونا وائرس کی وبا سے نمٹنے میں جنوبی کوریا اور جرمنی کے اقدامات امریکا سے بہتر قرار دے دئے، امریکی تنظیم پیو ریسرچ سنٹر نے کووڈ 19 پر دوسرے ممالک کے ردِ عمل سے متعلق 11 ہزار امریکی شہریوں کی رائے معلوم کی ، سروے کے مطابق اکثر امریکی یہ سمجھتے ہیں کہ ان کے ملک کے مقابلے میں جنوبی کوریا اور جرمنی نے کورونا کا مقابلہ بہتر انداز میں کیا ہے، 73 فیصد امریکیوں نے سروے میں کہا کہ جرمنی نے کورونا وائرس سے بہتر طریقے سے نمٹا، جبکہ 66 فیصد نے کہا کہ جنوبی کوریا کی کارکردگی بہترین یا اچھی رہی، جبکہ 47 فیصد شہریوں نے امریکی اقدامات کو بہتر بتایا۔