بچہ کھیل سے سیکھتا ہے نہ کہ لیکچر سے

بچہ کھیل سے سیکھتا ہے نہ کہ لیکچر سے

نبی اکرم ﷺ بچوں کے ساتھ کھیلتے، ان کی معصوم حرکات پر مسکراتے اور ان سے اپنی محبت کا اظہار فرمایا کرتے تھے۔ نرمی، شفقت اور آزادی کا یہ ماحول ہی بچے کے ذہن کو آزاد، خوشحال اور خوددار بناتا ہے۔ اگر بچپن میں محبت، آزادی اور تعلیم ساتھ چلیں تو بچہ بڑا ہو کر ایک متوازن شخصیت کا مالک بنتا ہے۔
بچوں کے لیے ابتدائی سات سال کھیل، تخلیقی تجربات اور آزادی کے ہوتے ہیں۔ ان کی ذہنی و جسمانی سطح کے تقاضے بڑوں کی نسبت مختلف ہوتے ہیں۔ ماہرینِ تعلیم جیسے Jean Piaget اور Maria Montessori کا کہنا ہے کہ بچے کھیل کے ذریعے سیکھتے ہیں، نہ کہ لیکچر یا سختی سے۔