یافث نوید ہاشمی بازیاب، کربلا نے حوصلہ پست نہیں ہونے دیا

مشکلات اور مصائب کربلا والوں کو ڈرا نہیں سکتے، استقبال کرنے والوں سے اظہار خیال
ملتان (نیوزڈیسک)سابق مرکزی صدر آئی ایس او اور سابق نائب صدر ہائیکورٹ بار ملتان یافث نوید ہاشمی ایڈوکیٹ 6ماہ کی جبری گمشدگی کے بعد بازیاب ہوگئے،بازیابی کے بعد ملتان پہنچنے پر یافث ہاشمی ایڈوکیٹ کا شاندار استقبال کیا گیا،اس موقع پر انہوں نے کہا کہ مشکلات اور مصائب کربلا والوں کو ڈرا نہیں سکتے، کربلا والوں کا حوصلہ پست نہیں کرسکتے،ہماری جوانی علی اکبر علیہ السلام کی جوانی سے زیادہ قیمتی نہیں، ہماری جوانی حضرت قاسم اور عون و محمد علیہ السلام کی جوانی سے زیادہ قیمتی نہیں، کربلا نے میرا حوصلہ ایک لمحے کے لئے بھی پست نہیں ہونے دیا، نہ ہی کبھی کربلا ہمارے حوصلے پست ہونے دے سکتی ہے،ہماری زندگی کی وہ سانسیں ختم ہو جائیں جب ہمارے دل سے کربلا نکل جائے۔