کراچی:گستاخانہ خاکوں کیخلاف آئی ایس او کی ریلی

قونصل خانہ کے سامنے احتجاج،فرانسیسی سفیر کو ملک بدر کرنے کا مطالبہ
کراچی (نیوز ڈیسک) فرانس میں گستاخانہ خاکوں کی اشاعت اور صدر میکرون کی توہین آمیز حرکت کی حمایت کے خلاف امامیہ اسٹوڈنٹس آرگنائزیشن کراچی ڈویڑن کی جانب سے نمائش چورنگی سے احتجاجی ریلی نگالی گئی جبکہ فرانسیسی قونصلیٹ پہنچ کراحتجاج کیا گیا، ریلی میں مردوخواتین سمیت علمائے کرام کی بڑی تعداد شریک تھی،شرکا سے ایم ڈبلیوایم کے مرکزی رہنما علامہ سید احمد اقبال رضوی، علامہ صادق رضا تقوی آئی ایس او کے مرکزی رہنما علی اویس زیدی، علامہ مبشر حسن ودیگر مقررین نے خطاب کیا،شرکا نے فرانسیسی پرچم کو آگ لگاکر اپنے شدید غم وغصے کا اظہار کیا ،مقررین نے کہاکہ ہم کسی صورت نبی کریم(چ(ص) کی شان اقدس میں توہین کو برداشت نہیں کریں گے، ہم سر کٹاسکتے ہیں لیکن شاتمینِ رسول(ص) کے آگے جھکا نہیں سکتے، ناموس رسالت کا تحفظ ملت جعفریہ کابنیادی عقیدہ ہے ،مقررین نے حکومت پاکستان سے مطالبہ کیا کہ وہ فوری طور پر فرانسیسی سفیر کو ناپسندیدہ شخصیت قرار دیکر ملک بدر کرے اور فرانس کے ساتھ تمام سفارتی و تجارتی تعلقات کو فوری منقطع کرنے کا اعلان کیا جائے جبکہ تمام عالم اسلام متحد ہوکر فرانسیسی مصنوعات کا دنیا بھرمیں بائیکاٹ کا اعلان کرے۔