کابل :یونیسیف طالبان کنٹرول علاقوں میں 4ہزار اسکول کھولے گا

آغاز مارچ سے ہوگا، اسکولوں کے لیے فنڈز کا انتظام مختلف گروپس کریں گے
کابل(نیوزڈیسک) یونیسف طالبان کے زیر کنٹرول افغان صوبوں ہلمند، قندھار، ارزگان اور فریاب میں 4000 غیر رسمی اسکولوں کا آغاز کرے گا، ان صوبوں میں 680 غیر رسمی اسکول پہلے سے ہی جاری ہیں ،طالبان سے معاہدے کے بعد ان اسکولوں کی تعداد 4000 ہو جائے گی ، ایک کلاس 35 طلبہ پر مشتمل ہو گی اور ان کلاسوں کا آغاز اگلے سال مارچ تک کر دیا جائے گا، جب افغانستان میں نئے تعلیمی سال کا آغاز ہوتا ہے، ‘ہلمند سنگین ورک پلان’ آئندہ برس دسمبر تک مکمل تک ہو گا جس کی توسیع کا دار و مدار فریقین کے درمیان ہم آہنگی پر ہو گا، معاہدے کے تحت کھلنے والے غیر رسمی اسکولوں کے لیے فنڈز کا انتظام مختلف گروپس کریں گے، جن میں گلوبل پارٹنر شپ فار ایجوکیشن، دی بل اینڈ میلنڈا گیٹس فاو ¿نڈیشن اور دیگر شامل ہیں ، پروگرام کے ذریعے ایک لاکھ 40 ہزار بچے تعلیم حاصل کر سکیں گے