ملک میں یوم علی ؑکے جلوس نکالنا جرم بن گیا

ملتان ،شورکوٹ اور بھکر میں مقدمات درج ،عزاداروں کی گرفتاریاں
ملتان (نیوز ڈیسک) یوم علی علیہ السلام کے جلوس نکالنا جرم بن گیا، ملتان میں بانیان مجالس، جلوس، منتظمین، علمااور شرکائے جلوس کے خلاف 14مقدمات درج کر لیے گئے، یوم علی ؑکے موقع پر شہر میں چھوٹے بڑے 12 ماتمی جلوس برآمد ہوئے، پنجاب حکومت کی ایما پر ضلع پولیس کی جانب سے تمام جلوسوں کے منتظمین، بانیان مجالس و جلوس، علمائے کرام اور جلوس میں شریک اہم شخصیات کے نام مقدمات میں شامل کیے گئے، ملتان میں 200 افراد پر نامزد جبکہ 300 سے زائد نامعلوم افراد پر مقدمہ درج کیا گیا ہے ، پولیس نے سوتری وٹ، سورج میانی اور محلہ جھک سے گرفتاریاں کی ہیں شورکوٹ میں بھی پولیس نے یوم علی ؑکا جلوس نکالنے کی پاداش میں پچاس سے عزادار وں کو چادر و چاردیواری کا تقدس پامال کرتے ہوئے گرفتار کر لیا ،ادھر بھکر میں بھی جلوس نکالنے پر مقدمہ درج کیا گیا ہے