لبنان کا حزب اللہ پر امریکی دباوَ تسلیم کرنے سے انکار

حکومت اور عوام حزب اللہ کی خدمات کو نظر انداز نہیں کر سکتے،وزیرخارجہ
بیروت (نیوز ڈیسک) لبنان کے وزیر خارجہ شربل وہبہ نے حزب اللہ کی خدمات کو سراہتے ہوئے کہا ہے کہ لبنانی حکومت اور عوام حزب اللہ کی خدمات کو نظر انداز نہیں کر سکتے ، بیروت میں امریکی سفیر ڈورٹی شیا کے ساتھ ملاقات میں لبنانی وزیرخارجہ نے کہا کہ ہم دہشت گردی کے خلاف جنگ میں حزب اللہ لبنان کے کردار کو قابل قدر سمجھتے ہیں اور لبنانی حکومت اور عوام حزب اللہ لبنان کے قدرداں ہیں ، شام اور لبنان کی سرحدوں کی حفاظت اور دہشت گردوں کو شکست دینے میں حزب اللہ نے اہم کردار ادا کیا ہے اور ہم شام کی سرحدوں سے دہشت گردوں کو لبنان میں داخل ہونے سے روکنے میں حزب اللہ کے جوانوں کی جانفشانیوں کے مرہون منت ہیں