لاہور:ایم ڈبلیو ایم شعبہ خواتین کے زیراہتمام سیرت زہرا ؑسیمینارکاانعقاد

تعلیم ِدین ہمارے گھر سے شروع ہوتی ہے اس کی بہترین مثال رسول اللہؐ ہیں، محترمہ پروین سرور
لاہور(نیٹ نیوز) مجلس وحدت مسلمین شعبہ خواتین کے زیراہتمام لاہور ایوان صنعت و تجارت میں ”یومِ مادر“ کی مناسبت سے سیرت حضرت فاطمہ زہرا سلام اللہ علیہا سیمینار کاانعقاد کیاگیا۔جس میں گورنر پنجاب چودھری محمد سرور کی اہلیہ پروین سرور نے بطور مہمانِ خصوصی شرکت کی۔ سیمینار میں معروف اینکر عروج ناصر، سرور شجاع، جنرل سیکریٹری مجلس وحدت مسلمین شعبہ خواتین خانم حنا تقوی، ڈپٹی جنرل سیکریٹری خانم عظمٰی نقوی، شفا زہرا، عذرا بتول، زاہدہ طارق، دعا زہرا، سیدہ کوکب حنا، جبیں زہرا، سیدہ صباحت مشہدی، سمیعہ رضوی، لاہور چیمبر کی سابق ایگزیکٹو کمیٹی ممبر نبیلہ انتظار سمیت دیگر نے شرکت کی۔گورنر پنجاب کی اہلیہ نے سیمینار سے خطاب میں کہا کہ دین ہمارے گھر سے شروع ہوتا ہے اور اس کی بہترین مثال رسول اللہؐ اور ان کی پیاری بیٹی حضرت فاطمہ سلام اللہ علیہا ہیں۔