قطر میں ترک فوج کی موجودگی پرامارات برہم

 ترک فوجیوں کی موجودگی، خطے کے عدم استحکام کا سبب ہے، وزیرخارجہ یو اے ای
ابوظہبی (نیوز ڈیسک) متحدہ عرب امارات کے وزیر خارجہ انور قرقاش نے قطر میں ترکی کی فوجی موجودگی پر تنقید کرتے ہوئے کہا ہے کہ اس سے علاقہ خطرناک حالات میں داخل ہو گیا ہے ، خلیج فارس میں ترکی کی فوج کی موجودگی ایک ایمرجنسی صورتحال ہے جو خلیج فارس کے ساحلی ملکوں کے اقتدار اعلی اور انکے مفادات اور اس علاقے کے عوام کے مفادات کو نظر انداز کر رہی ہے، اماراتی وزیر نے خطے کے ثبات و استحکام میں ترکی کے کردار کے بارے میں ترک صدر رجب طیب اردوان کے بیان کو بھی مسترد کر دیا اور کہا کہ قطر میں ترک فوجیوں کی موجودگی، خطے کے عدم استحکام کا سبب ہے