فلسطین میں 15سال بعد انتخابات کا اعلان، حماس کا خیرمقدم

 پہلے مرحلے میں 22 مئی کو پارلیمانی ، 31 جولائی کو صدارتی انتخابات اور تیسرے اور آخری مرحلے میں 31 ا گست کو قومی مجلس کے ارکان کا چناﺅ کیا جائے گا
 انتخابی مہم میں مقبوضہ بیت المقدس کو بھی شامل کیا جائے گا،محمودعباس کی تمام سیاسی جماعتوں کو مغربی کنارے اور غزہ میں انتخابی مہم شروع کرنے کی ہدایت
 رام اللہ /غزہ(نیوز ڈیسک) فلسطینی صدر محمود عباس نے 15 سال بعد فلسطین میں پارلیمانی اور صدارتی انتخابات کرانے کا اعلان کردیا، صدارتی حکم نامے کے مطابق رواں سال پارلیمانی، صدارتی اور قومی مجلس کے مرحلہ وار انتخابات منعقد ہوں گے، پہلے مرحلے میں 22 مئی کو پارلیمانی انتخابات ہوں گے، دوسرے مرحلے میں 31 جولائی کو صدارتی انتخابات اور تیسرے اور آخری مرحلے میں 31 ا گست کو قومی مجلس کے ارکان کا چناﺅ کیا جائے گا ، محمود عباس سے فلسطینی الیکشن کمیشن کے چیئرمین حنا ناصرنے ملاقات کی تھی جس کے بعد الیکشن شیڈول کا اعلان کیا گیا، صدر محمودعباس کی ہدیات پر فلسطین میں تمام سیاسی جماعتوں کو مغربی کنارے اور غزہ میں انتخابی مہم شروع کرنے کی ہدایت کی گئی ہے، انتخابی مہم میں مقبوضہ بیت المقدس کو بھی شامل کیا جائے گا ، یہ واضح نہیں کہ آیا 85 سالہ محمود عباس خود دوبارہ ان انتخابات میں حصہ لیں گے یا نہیں ، اس سے پہلے صدارتی انتخابات جنوری 2005 جبکہ پارلیمانی انتخابات 2006 میں منعقد ہوئے تھے جس میں حماس نے تاریخی کامیابی حاصل کی تھی لیکن امریکی دباو ¿ پر اسے حکومت نہیں دی گئی اور حماس نے غزہ میں اپنی حکومت قائم کرلی ، حماس اور جہاد اسلامی نے انتخابی شیڈول کا خیرمقدم کرتے ہوئے متحدہ قومی اسٹریٹیجک کے حصول کے لئے ہمہ گیر استقامت اور قومی اتحاد کی ضرورت پر زور دیا ہے،رہنماو ¿ں نے ملاقات کے دوران فلسطینی کاز مخالف اقدامات کا مقابلہ کرنے کے لئے قومی محاذ کو مضبوط بنانے، فلسطینی زمینوں کے تحفظ اور صہیونی حکومت کے ساتھ تعلقات کو معمول پر لانے کے نتائج کا جائزہ لیا۔