عرب امارات شہزادی لطیفہ کے مسئلے میں پھنس گیا

اقوام متحدہ نے وضاحت مانگ لی، طبی ماہرین کی نگرانی میں ہیں،امارات
نیویارک (نیوز ڈیسک) اقوام متحدہ کے انسانی حقوق کمیشن نے متحدہ عرب امارات سے مطالبہ کیا ہے کہ حاکم دبئی کی بیٹی شہزادی لطیفہ بنت محمد آل مکتوم کے زندہ یا صحت مند ہونے کا ثبوت پیش کرے ،یہ مطالبہ شہزادی لطیفہ کے ایک ویڈیو پیغام کے بعد سامنے آیا،جس میں انہوں نے کہا تھا کہ والد اور گھر والوں نے انہیں یرغمال بنا رکھا ہے،اقوام متحدہ کی انسانی حقوق کمشنر مشل باچلہ نے کہا کہ ہم نے جو ویڈیو دیکھا وہ کافی تشویشناک تھا اور ہم شہزادی لطیفہ کی صورتحال کے بارے میں شفاف تفصیلات پیش کرنے کا مطالبہ کرتے ہیں، ا ±دھر لندن میں متحدہ عرب امارات کے سفارتخانے نے بیان جاری کرکے کہا کہ شہزادی لطیفہ اپنے خاندان کی نگرانی میں ہیں اور ان کی نگرانی طبی ماہرین کی ٹیم کر رہی ہے، 34 سالہ شہزادی لطیفہ 2018 میں فرانس کے ایک سابق خفیہ افسر کے ساتھ سمندری راستے سے فرار ہونے کے لئے ان کا انتظار کر رہی تھی کہ امارات کے کمانڈوز نے ان کو گرفتار کر لیا تھا۔