عالم اسلام کی سطح پراسلامی ممالک کی یونین کی تشکیل کا فیصلہ

عالم اسلام کی سطح پر ایک نئی یونین کے قیام کا امکان موجود ہے، حجتہ الاسلام حمید شہریاری
تہران (نیوز ڈیسک )عالمی فورم برائے تقریب مذاہب اسلامی کے سربراہ حجتہ الاسلام حمید شہریاری نے کہا ہے کہ عالم اسلام کی سطح پر جدید نظریے کی بنیاد پر اسلامی ممالک کی ایک نئی یونین قائم کی جائے گی ،علما نجف میں ہم فکری کے زیرعنوان منعقدہ اس اجلاس سے خطاب میں حمید شہریاری نے بتایا ہے کہ عراق میں ولی فقیہ کے نمائندہ دفتر کی جانب سے منعقدہ اجلاس میں امت واحدہ کے تصور کو عملی جامہ پہنانے کے لئے اتحاد اسلامی کے نئے مفاہیم کا جائزہ لیا گیا،
انہوں نے کہاکہ عالمی فورم برائے تقریب مذاہب اسلامی نے عالم اسلام کے لئے عظیم اہداف کو مدنظررکھا ہے اور تقریب مذاہب اسلامی کے لئے رہبر انقلاب اسلامی کی ہدایات کے مطابق مسلم امہ میں اتحاد قائم کرنے کے لئے عالم اسلام میں ایک قسم کی عقلانیت اور معقولیت کو مدنظر رکھا جائے گا ، ہمارا خیال ہے کہ انقلاب کے دوسرے مرحلے میں عالم اسلام کی سطح پر ایک نئی یونین کے قیام کا امکان موجود ہے