سعودی عرب کے مزید 9شعبوں میں غیرملکیوں پر پابندی

کھانے پینے کی اشیا،اسٹیشنری اور ڈیری کی مصنوعات سمیت دیگر شعبے شامل
جدہ(نیوز ڈیسک) سعودی عرب کے مزید 9شعبوں میں غیرملکی ملازمین پر پابندی عائد کردی گئی، وزارت افرادی قوت کے مطابق فیصلے پر عملدرآمد کی ڈیڈ لائن 20 اگست مقرر کی گئی ہے، مقررہ مہلت کے دوران ان شعبوں میں غیر ملکیوں کی جگہ سعودی کارکنوں کو متعین کیا جائے گا،وزارت افرادی قوت و سماج کی جانب سے نئے فیصلے کے مطابق قہوہ، چائے، شہد، چینی، مصالحہ جات، پانی، مشروبات، پھل، سبزیاں اور کھجوریں فروخت کرنے کا کام صرف سعودی شہری کریں گے، غیرملکی ملازمین کو ان میں سے کسی بھی کام کے لیے ملازم نہیں رکھا جائے گا،کتابیں، اسٹیشنری، طلبہ سے متعلق مختلف شعبوں کو بھی سعودیوں تک ہی محدود کردیا جائے گا، تحائف، آسائشی اشیا، دستی مصنوعات، کھلونے،گوشت، مچھلی، انڈے اور ڈیری مصنوعات، خوردنی تیل، صفائی میں استعمال ہونے والی اشیا، پلاسٹک اورصفائی کی اشیا فروخت کرنے والی دکانوں کی بھی سعودائزیشن کا فیصلہ کیا گیا ہے۔