سعودی عرب نے ہمسایہ ممالک میں کورونا پھیلایا، ترکی

سعودی حکام نے عمر ہ کے دوران وبا پھیلنے کو دوسرے ممالک سے چھپایا
انقرہ(نیوز ڈیسک) ترکی کاکہناہے کہ سعودی عرب نے ہمسایہ ممالک میں کورونا وائرس پھیلانے میں اہم کردار ادا کیا ہے،ترکی کے وزیر داخلہ سلیمان صویلو نے عمرہ زائرین میں کورونا وائرس کے کیسز کو چھپانے پر شدید تنقید کرتے ہوئے کہا ہے کہ سعودی عرب نے بڑے پیمانے پر کورونا وائرس کے کیسز کو چھپا کر اس کے پھیلنے میں مدد فراہم کی ہے،انہوں نے عمرہ سے واپس آنے والے ترک شہری میں کورونا وائرس کے ٹیسٹ کے مثبت ہونے کی تصدیق کرتے ہوئے کہا کہ سعودی عرب نے ترک حکام اور دیگر اسلامی ممالک کے حکام کو عمرہ کرنے والے زائرین میں کورونا وائرس کے بارے میں کوئی اطلاع فراہم نہیں کی اور سعودی عرب کے حکام کی غفلت اور غیر سنجیدگی کی بنا پر اس وقت بہت سے اسلامی ممالک کو اس مہلک وائرس کا سامنا ہے۔