حجاب پر پابندی کے فیصلہ پر کولمبو حکومت کا یوٹرن

 پابندی محض تجویز تھی جس کی تاحال منظوری نہیں دی گئی،حکومتی ترجمان
کولمبو (نیوز ڈیسک) مسلمان خواتین پر برقع اور حجاب سے چہرہ ڈھانپنے کی پابندی سے متعلق سری لنکن حکومت نے وضاحت کردی اور کہا کہ برقعے اور حجاب پر پابندی محض تجویز تھی جس کی تاحال منظوری نہیں دی گئی،حکومتی ترجمان کا کہنا تھا کہ ایسا کوئی بھی اقدام مشاورت کے بغیر نہیں ہوسکتا جس کیلئے طویل وقت درکار ہوگا ، میڈیا کے مطابق سری لنکا نے حجاب پرپابندی کے فیصلے سے اس لئے پسپائی اختیار کی کیونکہ آئندہ ہفتے جنیوا میں سری لنکا کے انسانی حقوق سے متعلق ریکارڈ کے حوالے سے اقوام متحدہ کے ایک اجلاس میں قرار داد پیش ہونے والی ہے، اگر قرارداد منظور ہوجاتی ہے تو لنکن حکومت اور عسکری حکام کو 2009 میں خانہ جنگی کے خاتمے کیلئے کئے گئے اقدامات پرکارروائی کا سامنا کرنا پڑے گا