تیونس: امریکی سفارتخانے پر خود کش حملہ،2 افراد ہلاک

موٹر سائیکل سوار شخص نے سفارتخانے میں گھسنے میں ناکامی پرخود کو اْڑا لیا
تیونس(نیوز ڈیسک) تیونس کے دارالحکومت تیونس میں امریکی سفارت خانے کے باہر خود کش حملے میں دو افراد ہلاک اور پولیس اہلکاروں سمیت 6 افراد زخمی ہوگئے، دھماکااتنا شدید تھا کہ آس پاس کی عمارتوں کے شیشے ٹوٹ گئے جب کہ گاڑیوں کو بھی شدید نقصان پہنچا،عینی شاہدین کا کہنا ہے کہ ایک موٹر سائیکل سوار شخص نے خود کو سفارت خانے کے اندر داخل ہونے میں ناکامی پر دھماکے سے اْڑا لیا،دھماکے کے بعد کئی پولیس اہلکاروں کو زخمی حالت میں سڑک پر گرتے ہوئے دیکھا گیا ہے۔