انصاراللہ کے سربراہ کا شہید قاسم سلیمانی کے اہل خانہ کو خط

وہ جذبہ ایمانی کے ساتھ میدان جہاد کے ہر محاذ پر سرگرم عمل رہے، عبدالملک الحوثی
صنعا(نیوز ڈیسک)انصاراللہ کے سربراہ عبدالملک بدرالدین الحوثی نے شہید جنرل قاسم سلیمانی کے اہل خانہ اور لواحقین کے نام خط میں کہا ہے کہ عظیم سردار اپنے ہدف و مقصد پر ہمیشہ ثابت قدم رہا اور ہمیشہ میدان میں جمے رہنے والے اسلام کے ایسے سچے سپاہی تھے جو اپنی انتھک کوششوں اور جذبہ ایمانی کے ساتھ میدان جہاد کے ہر محاذ پر سرگرم عمل رہے،انہوں نے شجاعت کا درس حضرت علیؑ ،قربانی کا سبق امام حسینؑ اور ایثار کا درس حضرت عباس ؑ سے حاصل کیا تھا شہید قاسم سلیمانی، حریت پسندوں اور آنے والی تمام نسلوں کے دلوں میں زندہ و جاوید رہیں گے جیسا کہ اس وقت بھی وہ اپنے تمام آثار و کردار کے ساتھ مسلمانوں کے درمیان موجود ہیں