امریکا کی روسی سرحد پر جراثیمی ہتھیاروں کی تیاری

فیکٹری کاقیام تمام بین الاقوامی قوانین کے منافی ہے،روس
ماسکو(نیوز ڈیسک) امریکا نے جمہوریہ جارجیہ میں روسی سرحدوں کے قریب جراثیمی ہتھیاروں کی فیکٹری قائم کرلی، روس کی وزارت دفاع کے بیان میں کہا گیا ہے کہ فیکٹری میں مختلف اقسام کے انسان کش اور وبائی بیماریاں پھیلانے والے خطرناک وائرس تیار کیے جا رہے ہیں، امریکا نے 300لیبارٹریوں سے روسی شہریوں کے جینیاتی سیمپل بھی حاصل کیے ہیں تاکہ انہیں اس فیکٹری میں حیاتیاتی اور جراثیمی ہتھیاروں کی تیاری میں استعمال کیا جا سکے،ماسکو نے فیکٹری کے قیام کو تمام بین الاقوامی قوانین کے منافی نیز روس اور چین کے لیے خطرہ قرار دیا ہے۔