امریکا کی ایک اور سازش ناکام،بولیویا کے سابق صدر کی واپسی

ہم نے تحمل کے ساتھ اور تشدد کے بغیر اپنے ملک کو بحال کرایا ہے،مورالیس
لندن (نیوز ڈیسک) امریکا کی ایک اور سازش ناکام ہوگئی، بولیویا کے سابق صدر ایوو مورالیس ایک سال کی جلاوطنی کے بعد ارجنٹائن کی سرحد سے گزر کر اپنے وطن واپس لوٹ آئے، صدر مورالیس نے ٹویٹ کیاکہ یہ ان کی زندگی کا ایک اہم دن ہے ، ہم نے تحمل کے ساتھ اور تشدد کے بغیر اپنے ملک کو بحال کرایا ہے، ایوو مورالیس نے گذشتہ سال نومبر میں امریکی حمایت سے ہونے والی فوجی بغاوت کے بعد استعفی دے دیا تھا اور انھیں ملک بدر کر دیا گیا تھا، وہ پہلے میکسکو گئے اور اس کے بعد ارجنٹائن چلے گئے، گزشتہ ہفتے بولیویا کی عدلیہ نے ان کے خلاف تمام الزامات کو مسترد کر دیا تھا اور ان کی وطن واپسی کی راہ ہموار ہو گئی تھی جبکہ گذشتہ ماہ صدارتی انتخابات میں ایوو مورالیس کے حمایت یافتہ امیدوار لوئیس آرسے کو کامیابی حاصل ہوئی تھی اور انھوں نے حلف اٹھالیا ہے۔