امریکا کو بن سلمان سے ملاقات یا بات نہیں کرنا چاہئے

ریاض حکومت کو ہتھیاروں کی فروخت بندکردی جائے،امریکی انٹیلی جنس کمیٹی
واشنگٹن (نیوز ڈیسک) امریکی ایوان نمائندگان کی انٹیلی جنس کمیٹی کے سربراہ ایڈم شیف نے سعودی صحافی جمال خاشقجی کے قتل سے متعلق رپورٹ کی اشاعت پر خوشی کا اظہار کرتے ہوئے کہا ہے کہ کسی بھی امریکی صدر کو موجودہ سعودی ولی عہد بن سلمان سے ملاقات نہیں کرنا چاہیے ، سعودی ولی عہد کے ہاتھ خون سے رنگین ہیں اور انہوں نے جمال خاشقجی کو گرفتار یا قتل کرنے کا براہ راست حکم دیا تھا انہوں نے کہا کہ تنہا سعودی ولی عہد ہی کو سزا نہیں ملنا چاہیے بلکہ جمال خاشقجی کے قتل اور ان کی لاش کے ٹکڑے ٹکڑے کرنے والے ایک ایک شخص کو انصاف کے کٹہرے میں لایاجانا چاہیے ، میں چاہتا ہوں کہ حکومت امریکا اسی پر اکتفا نہ کرے بلکہ، کوئی بھی امریکی صدر سعودی ولی عہد سے نہ ملے اور نہ ہی انہیں امریکہ آنے کی دعوت دی جائے، حتی ان سے ٹیلی فون پر بھی بات نہ کی جائے ، میں ریاض حکومت کو ہتھیاروں کی فروخت بند کرنے کی حمایت کرتا ہوں