امریکا کا لبنان حکومت کی تمام امداد روکنے کا منصوبہ

ٹرمپ انتظامیہ متفق ہے کہ نئی لبنانی حکومت حزب اللہ کے زیر کنٹرول ہے
واشنگٹن(نیوز ڈیسک) امریکا نے لبنان حکومت کی تمام امداد روکنے کی منصوبہ بندی کرلی، امریکی قومی سلامتی کے امور سے متعلق اخبارنے اپنی رپورٹ میں دعویٰ کیا کہ لبنان کے لیے امریکی امداد پر ٹرمپ انتظامیہ میں اختلافات ختم ہو چکے ہیں، اب لبنان میں حسن دیاب کی سربراہی میں حکومت کی تشکیل کے بعد امریکی امداد روک دی جائے گی، اخبار نے باور کرایا ہے کہ امریکی انتظامیہ میں تمام لوگ اس بات پر متفق ہیں کہ لبنان میں نئی حکومت حزب اللہ کے زیر کنٹرول ہے، رپورٹ کے مطابق ذرائع نے تصدیق کی ہے کہ ٹرمپ انتظامیہ نے دسمبر کے اواخر میں کروڑوں ڈالر کی رقم لبنان بھیجی۔ اس سے قبل امریکی قومی سلامتی کونسل اور وزارت خارجہ میں ٹرمپ کے حامیوں کے اعتراضات کے سبب اقتصادی اور عسکری امداد روک دی گئی تھی۔