الیکشن سے پہلے گلگت بلتستان کو صوبہ بنانے کا مطالبہ

 پیپلزپارٹی حق ملکیت کا نعرہ لگاکر مفاد کیلئے سیاست کر رہی ہے، اسلامی تحریک
 گلگت (نیوز ڈیسک) اسلامی تحریک پاکستان گلگت بلتستان کے سینئر رہنما شیخ میرزا علی نے کہا ہے کہ جی بی کو الیکشن سے پہلے صوبہ بنایا جائے، ہم نے 1994 میں جی بی کو صوبہ بنانے کا مطالبہ کیا تھا، جس کی اب تمام جماعتیں حمایت کر رہی ہیں ،حلقہ ایک گلگت نومل میں مرکزی انتخابی دفتر کے افتتاح کے موقع پر انہوں نے کہا کہ پیپلزپارٹی حق ملکیت کا نعرہ لگاکر اپنے مفاد کیلئے سیاست کر رہی ہے، وزیر اعظم یکم نومبر کو گلگت بلتستان آرہے ہیں، ہمیں امید ہیں کہ وہ اپنے دورے کے دوران جی بی کو صوبہ بنا کر اس خطے کو بڑا تحفہ دینگے ، اسلامی تحریک کے رہنما و سابق صوبائی وزیر دیدار علی نے کہا کہ سی پیک جی بی کے دامن سے گزر رہا ہے جس میں جی بی کے عوام کو بھی حصہ ملنا چاہیے، ملک دشمن عناصر اس ملک کی سالمیت کو تباہ کرنا چاہتے ہیں۔